Benvidos ao Museo do Mar de Galicia, un lugar onde comprender a larga vinculación histórica dos galegos co mar a través do seu aproveitamento e coñecemento.
Grandes cubos iluminados que suxiren contedores de mercadorías portuarias conforman a exposición permanente do segundo edificio, na que podemos ver documentos de vídeo e audio, pantallas interactivas e obxectos orixinais relacionados coa historia da pesca. Pero o Museo do Mar non só é a colección permanente: explora tamén as exposicións temporais.
O Museo do Mar de Galicia, como institución que investiga e divulga, está a traballar en ambiciosos proxectos en colaboración con outros organismos como A memoria do mar, o proxecto Neuston ou o encontro de embarcacións tradicionais de Galicia.
A partir do 24 de xullo CICLO DE CONCERTOS na terraza do restaurante do noso museo, con vistas ás Illas Cíes!!
HORARIO: 20:30.
ENTRADA: gratis con invitación (aforo limitado)
IMPORTANTE: é necesario descargar ás invitacións no seguinte enlace SOLPORES DO MUSEO
CONCERTOS:
Durante os meses de xullo e agosto de 2019, tanto o Museo do Mar de Galicia como o Centro Arqueolóxico do Areal “Salinae”, van a ofrecer para todos os públicos unha ampla oferta de actividades didácticas.
Poden consultar os contidos completos nestes enlaces:
ACTIVIDADES MUSEO DO MAR DE GALICIA
Se queren saber máis poden pedir información no 986247750 ou en info.museodomar@xunta.es de MARTES A SÁBADO de 11:00 a 14:00
CANDO: Venres 7 de xuño de 2019
HORA: 19:00 horas.
ONDE: 2º edificio do Museo do Mar de Galicia.
A inauguración inclúe a proxección do documental filmado durante a travesía, “The Camino Voyage”, con subtítulos en galego, unha peza audiovisual que acaba de ser candidata ao mellor documental no Celtic Media Festival.
AFORO LIMITADO. É preciso confirmar asistencia no 981555291 ou en info@asociacionbuxa.com
“O CAMIÑO POR MAR” é moito máis que unha exposición, é un proxecto no que dar a coñecer a aventura dun grupo de amigos irlandeses que decidiron facer o Camiño de Santiago por mar dende Irlanda nunha embarcación a remos tradicional irlandesa.
Este proxecto inclúe unha pequena exposición onde poder coñecer non soamente a viaxe realizada dende Dublín, senón tamén as atemporais relacións entre Galicia e Irlanda, coa novidade de poder ver durante os primeiros días como se reconstrúe o bote empregado para a travesía, o cal estaba depositado no museo despois de naufragar na desembocadura do Miño.
A mostra poderá visitarse dende o 8 de xuño ao 31 de outubro no horario de apertura habitual do museo
O horario e días de reconstrución previstos do bote son do 8 ao 18 de xuño de martes a venres de 10:00 a 13:00 e de 17:00 a 19:00 e sábados e domingos de 11:00 a 14:00 e 17:00 a 19:00
Para máis información poden consultar tamén en:
CULTURMAR
ASOCIACIÓN BUXA
CANDO: Venres 31 de maio de 2019
HORA: 19:30 horas.
ONDE: Sala de exposicións temporais do Museo do Mar de Galicia.
“RELINGA DO HORIZONTE.” é unha exposición temporal na que poderán navegar polo mundo do comercio marítimo e a mariña mercante dende o S.XVIII ata a actualidade, coñecendo como foi evolucionando a navegación neses tempos, cales eran as relacións comercias de Galicia con outros lugares e con que produtos se comerciaba, ademais falarase sobre a emigración e dedicarase un apartado especial a presencia de mariñeiros galegos nas diferentes mariñas do mundo. Toda unha exposición a descubrir!
A mostra poderá visitarse TOTALMENTE DE BALDE, no espazo adicado ás exposicións temporais do Museo e permanecerá aberta ao público do 31 de maio ao 28 de xullo no horario de apertura habitual do museo
Do 17 de setembro ao 30 de novembro 2015 poderase visitar na nosa sala de exposicións temporais esta magnífica exposición.
Selección de fotografías do Museo de Pontevedra, que atopa no Museo do Mar de Galicia un marco moi apropiado para a sua exhibición
Selección de 85 fotografías temáticas sobre a costa galega (maioritariamente de Vigo e Bouzas) do Arquivo Pacheco feitas entre 1895 e 1960. Asemade inclúe dúas fotografías de Filippo Prosperi. Comisario: Vítor Vaqueiro.
Proxecto Costa da Morte é o resultado de convidar tres artistas a traballar na zona de Fisterra, sen ningunha esixencia narrativa ou descritiva. Non se trataba de realizar tres reportaxes sobre esta zona, senón ce convertela en territorio de creación artística, de xeito que aparecese reflectida só na medida en que eles determinasen libremente en función dos seus proxectos estéticos.
Darwin Navegando no Beagle é unha invitación á aventura do coñecemento vivida nas expedicións científicas: oceánicas, terrestres, espaciais.
(Do 17 de xullo ao 13 de setembro)
Ir a l’encesa, é pescar de noite cun verdadeiro lume a bordo, eis o seu nome. A teranyina, a pesca de cerco, está fortemente arraigada no país catalán e forma parte das historias dos nosos devanceiros e, sobre todo, da cultura mediterránea.
A través da arte contemporánea, quero compartir e amosar a opinión pública a arte de pesca de la teranyina, para que a súa vez tome conciencia e aprenda a valorar e apreciar a colleita que se obtén.
Reflexos de prata que habitan nas profundidades abisais da mente.
Fragmentos de soños e anhelos navegando perezosos pola inmensidade da alma.
Sensuais reflexos vestidos de xoias.
Misteriosos reflexos nacidos da auga.
Tomando como metáfora o neuston, que define a comunidade de organismos que viven asociados á superficie, na interface auga-aire, o proxecto explora a interface ciencia-arte, suscitando un diálogo entre investigadores científicos e creadores artísticos ou literarios, no entorno do mar e das ciencias mariñas en Galicia.
O traballo de investigación recolleu diferentes tipoloxías de embarcacións tradicionais e salientou as diferencias entre fasquías que cadansúa presenta ao longo da costa.
A exposición está composta por 43 paneis nos que dase conta da enorme riqueza patrimonial marítima que hai no Norte de Galiza, un mar e unha costa diferente.
O Museo do Mar de Galicia trae a escena a obra de catro artistas galegos que teñen como leit-motiv o patrimonio marítimo. Galicia, cos seus 1000 km de costa, posúe espazos únicos que propician reflexións inéditas: o rostro a salvagardar do saber facer tradicional visto polos artistas contemporáneos.
As visións do bacallau analiza a pesca deste peixe en Galicia e Portugal a través das fotografías de Alain Villiers de pesca a liña A campaña do Argus, cedidas polo museo de Ilhavo (Portugal) e a pesca de arrastre dos barcos galegos en Barcos de Xeo de Lucien Girardin.
Exposición colectiva de pintura e fotografía sobre os faros galegos comisariada por Pilar Corredoira.
Avenida Atlántida 160. 36208 Vigo.
T 986247750
F 986247748
Facebook | Twitter | Contacto | Traballa con nós | Amigos do Museo do Mar
