Estas vacacións de Nadal chega ao Museo do Mar de Galicia esta iniciativa da Xunta de Galicia que emprega as tecnoloxías inmersivas e de realidade virtual co obxectivo de amosar o noso patrimonio material e inmaterial dun xeito diferente.

Neste caso, empregando unhas lentes de realizade virtual, poderedes subir nun batiscafo e explorar os fondos mariños da costa galega, aprendendo sobre a fauna e flora que habita neles, así como sobre episodios históricos singulares nos que o mar foi o protagonista. Unha travesía que busca tamén concienciar sobre a importancia histórica, económica e medioambiental dos nosos mares e a necesidade de coidalos.
A sala dispón de 6 cadeiras con cadanseu equipo de realidade virtual e cada sesión ten unha duración aproximada de 25 minutos.

• Acceso gratuíto.
• Con RESERVA PREVIA de praza no 652623753 do martes 19 ao sábado 23 de decembro en horario de 11:00 a 13:30 .
• Máximo 6 personas por reserva.
• A partir dos 8 anos de idade. Os menores de 12 anos deben estar acompañados/as durante a experiencia dunha persoa adulta responsable.
• Datas: de 22 de decembro ao 4 de xaneiro.
• Horarios: de martes a venres de 10:30 a 13:00 e de 16:30 a 18:00 /sábados e domingos de 11:30 a 13:00 e de 17:30 a 19:00 (o día 24 e 31 de decembro e o 5 de xaneiro pechado de tarde, o día 25 decembro, 1 xaneiro pechado todo o día).